Трамп Эронни денгиз блокадаси билан таҳдид қилди
Баёнот Эрон ва АҚШ ўртасидаги Исломобод музокаралари натижасиз тугаганидан сўнг янгради.
Дональд Трамп Эронга нисбатан кескин баёнот билан чиқиб, агар Теҳрон музокараларда ён беришдан бош тортса, АҚШ унинг денгиз орқали кириш йўлларини тўсиб қўйиши мумкинлигини маълум қилди.
АҚШ президенти бу ҳақда Truth Social ижтимоий тармоғидаги саҳифасида ёзиб, эҳтимолий чоралар қаторида денгиз блокадаси қўлланилиши мумкинлигини таъкидлаган.
«Агар Эрон чекинмаса, Президент ўзининг энг кучли воситаларидан бири — денгиз блокадасидан фойдаланиши мумкин», — дея қайд этган у.
Мазкур баёнот Исломобод шаҳрида ўтказилган Эрон–АҚШ музокаралари келишувсиз якунлангани ортидан янграган. Tasnim ахборот агентлиги хабарига кўра, музокаралар давомида томонлар айрим масалаларда яқинлашувга эришган бўлса-да, асосий йўналишларда келишмовчиликлар сақланиб қолган.
Эрон Ташқи ишлар вазирлиги вакили Исмоил Бағаий ҳам томонлар бир нечта бандлар бўйича келишувга эришганини, бироқ икки ёки учта муҳим масалада қарашлар кескин фарқ қилгани сабабли умумий битим имзоланмаганини билдирган.
