Ўзбекистонда эндиликда мобил рақамни бошқа шахс номига онлайн ўтказиш мумкин
Хизмат Ягона портал орқали тақдим қилинмоқда.
Энди мобил алоқа фойдаланувчилари my.gov.uz орқали ўзларининг мобил рақамларини бошқа шахс номига онлайн расмийлаштиришлари мумкин. Бу имконият my.gov.uz портали ва MyGov иловаси орқали тақдим этилмоқда.
Янги тартибга кўра, мобил рақам эгасини ўзгартириш учун аввал талаб этилганидек, алоқа оператори хизмат марказларига шахсан бориш, навбат кутиш ва ҳужжатларни имзолаш зарур бўлмайди.
Хизматдан фойдаланиш учун:
- My.gov.uz портали ёки MyGov иловасига кирилади;
- "Мобил рақамни қайта расмийлаштириш" хизматини танланади;
- Керакли маълумотларни тўлдириб, ариза юборилади.
Мобил рақамни қайта расмийлаштириш учун ариза бериш жараёнида мобил рақамини ўтказмоқчи бўлган ва қабул қилувчи шахслар MyID орқали аризани тасдиқлашлари талаб этилади.
Қайд этилишича, мазкур хизмат барча мобил алоқа операторларида босқичма-босқич жорий этилмоқда.
Мобил алоқа операторлари ўз нарх сиёсатидан келиб чиқиб, хизмат тарифи асосида тўлов шакллантиради, баъзи мобил операторлар томонидан хизмат яқин қариндошлар учун бепул амалга оширилмоқда.
