Сурхондарёда сел қишлоқни ювиб кетди
Сел-сув тошқинидан жабр кўрганларга ёрдам қилиш ишлари бошланди.
24 май куни Сурхондарё вилояти Узун туманига келган кучли сел қишлоқни ювиб кетди.
Маълум қилинишича, шу куннинг ўзида туман ҳокимлиги томонидан Арғамчи қишлоғи ҳамда Ўрмончи қишлоғида юзага келган сел-сув тошқинидан жабр кўрганларга ёрдам қилиш ишлари бошланди.
“Ҳаммага ёрдам кўрсатамиз. Мана мен туман ҳокими сифатида ҳеч кимни хафа қилиб қўймадим. Биронта одамни кўчада қолдирмадим. Ёрдам берамиз. Худога шукур, муҳтарам президентимиз пулни берганлар, маблағ бор, ҳаммаси жойида”, — деди туман ҳокими.
23 май куни ҳам Самарқанд вилоятининг қатор ҳудудларида кузатилган кучли ёмғир оқибатида айрим кўчаларда сув тўпланиши ва тошқин ҳолатлари юзага келганди.
Вилоят ҳокими Адиз Бобоев вазиятни жойига чиқиб ўрганиш мақсадида тегишли ташкилотлар вакиллари билан биргаликда Самарқанд шаҳридаги Чуқурйўл кўчасида бўлиб, бундай ҳолатлар такрорланишининг олдини олиш юзасидан масъулларга топшириқлар берганди.
