Андижонда 15 ёшли қиз ўзини каналга ташлаб, ҳалок бўлди
Жанубий Фарғона каналига ўзини ташлаган қизнинг жасади бир кун ўтиб топилган.
Андижон вилоятининг Марҳамат туманида 15 ёшли қиз Жанубий Фарғона каналига ўзини ташлаб, ҳалок бўлди. Бу ҳақда Бош прокуратура матбуот хизмати маълум қилди.
Қайд этилишича, Марҳамат тумани «Эрши» маҳалласида яшовчи, 2010 йилда туғилган M.Э. 2026 йил 30 июнь куни тахминан соат 02:30 ларда маҳалла ҳудудидан оқиб ўтувчи Жанубий Фарғона канали устидаги автомобиль кўпригидан сувга сакраган ва оқим уни олиб кетган.
Ўтказилган тезкор қидирув ишлари давомида вояга етмаганнинг жасади 1 июль куни Жанубий Фарғона каналининг Фарғона вилояти Тошлоқ тумани ҳудудидан оқиб ўтувчи қисмида топилган.
Ҳозирда мазкур ҳолат юзасидан Марҳамат тумани прокуратураси томонидан терговга қадар текширув ҳаракатлари олиб борилмоқда.
Эслатиб ўтамиз, аввалроқ Самарқанд вилоятининг Оқдарё туманида 42 ёшли фуқаро Қорадарё дарёсига тушиб кетгани оқибатида бедарак йўқолгани хабар қилинган эди.
