Йўл ҳаракати хавфсизлиги хизматига янги раҳбар тайинланди
Ушбу лавозимни ЙҲХХ бошлиғининг ўринбосари лавозимида фаолият юритган Муродбек Шерлиев эгаллади.
Муродбек Атабекович Шерлиев Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати бошлиғи лавозимига тайинланди. Бу ҳақда ИИВ Матбуот хизмати маълум қилди.
Қайд этилишича, тайинловга қадар Муродбек Шерлиев мазкур хизмат бошлиғининг ўринбосари лавозимида фаолият юритган.
У ушбу лавозимда шу кунгача фаолият олиб борган Шерзод Шокирович Ибрагимовнинг ўрнини эгаллади. Эслатиб ўтамиз, Шерзод Ибрагимов 1 июль куни Ўзбекистон Республикаси Миллий гвардияси қўмондонининг биринчи ўринбосари лавозимига тайинланганди.
