Рустам Жўраев Президент давлат хавфсизлик хизмати раҳбари этиб тайинланди
Унга генерал-лейтенант ҳарбий унвони ҳам берилди.
Рустам Мирзаевич Жўраев Ўзбекистон Президенти давлат хавфсизлик хизмати раҳбари этиб тайинланди. Бу ҳақда Президент матбуот котиби маълум қилди.
Шунингдек, давлат раҳбарининг қарорига мувофиқ, Рустам Жўраевга генерал-лейтенант ҳарбий унвони берилди.
Мазкур тайинловга қадар у 2026 йил январь ойидан буён Ички ишлар вазирининг биринчи ўринбосари ҳамда Ички ишлар вазирлиги Жамоат хавфсизлиги департаменти бошлиғи лавозимларида фаолият юритиб келаётган эди.
Рустам Жўраев янги лавозимда 2020 йил декабридан буён Президент давлат хавфсизлик хизматига раҳбарлик қилиб келган Алишер Усмонов ўрнини эгаллади.
