Самарқандда алиментдан қарздор ота дачадан топилди
Эркакнинг қарзи 100 млндан ортиқ бўлиб, уларни тўламай келган.
Самарқанд вилоятининг Пастдарғом туманида алимент қарзини тўлашдан бўйин товлаб, МИБ ходимларидан яшириниб келган эркак дачадан топилди. Бу ҳақида МИБ ахборот хизмати Zamon.uz'га маълум қилди.
Билдирилишича, Бюронинг Пастдарғом туман бўлими иш юритувидаги ижро ҳужжатига асосан 105 миллион сўмдан ортиқ алимент қарздорлиги мавжуд бўлган фуқаро С.Р.га нисбатан қидирув эълон қилинган.
Олиб борилган тезкор-қидирув тадбирлари натижасида қарздор Пастдарғом туманидаги дала ҳовлиларидан (дачалардан) бирида дам олаётган вақтида аниқланиб, ушланган.
“Айни пайтда ижро ҳужжати талабларини таъминлаш юзасидан қонунчиликда белгиланган тартибда кейинги мажбурий ижро ҳаракатлари амалга оширилмоқда”, дейилади хабарда.
Эслатиб ўтамиз, аввалроқ Тошкент вилоятининг Бекобод туманида алимент тўлашдан қочиб юрган ота маккажўхори даласидан топилганди.
