Қирғизистон Wildberries омборларига ҳужумлардан сўнг ўз фуқароларига огоҳлантириш берди
Ҳужумларда зарар кўрган омборлардаги қирғиз тадбиркорларига тегишли маҳсулотлар инвентаризация қилинмоқда.
Қирғизистон Ташқи ишлар вазирлиги Россиядаги фуқароларини Wildberries омборларига уюштирилган дрон ҳужумларидан сўнг эҳтиёткор бўлишга чақирди.
Вазирлик маълумотига кўра, 22 июль оқшомида Россиянинг бир қатор ҳудудларидаги Вилдберриес омборларига уюштирилган ҳужумларда Қирғизистон фуқаролари жабрланмаган. Шунга қарамай, эҳтимолий янги ҳужумлар хавфи сабаб ватандошларга хавфсизлик чораларига қатъий риоя қилиш тавсия этилди.
Шунингдек, Россияда яшаётган Қирғизистон фуқароларига расмий идоралар томонидан берилаётган огоҳлантириш ва тавсияларга амал қилиш сўралган. Қирғизистоннинг Россиядаги элчихонаси вазиятни доимий назорат қилаётгани ҳамда жабрланганлар бўйича маълумотларни аниқлаштиришда давом этаётгани билдирган.
Маълумот учун, Украина Қуролли Кучлари 18 июль куни Москва ва Тамбов вилоятларидаги, 22 июль куни эса Краснодар ва Ставропол ўлкаларидаги Wildberries омборларига дрон ҳужумлари уюштирган. Ушбу ҳужумлар оқибатида камида 8 киши ҳалок бўлган, 50 нафардан ортиқ инсон жароҳат олган.
Қирғизистон Иқтисодиёт ва савдо вазирлиги эса ҳужумга учраган омборларда сақланаётган қирғиз тадбиркорларига тегишли маҳсулотларга етказилган зарар юзасидан инвентаризация жараёнини кузатиб бормоқда.
