Ҳибсда сақланаётган Одилхон қори оғир жудоликка учради
Одилхон қори дафн маросимида иштирок этмаган.
Ҳибсда сақланаётган Одилхон қори Исмоиловнинг онаси Ҳафизахон ая 90 ёшида вафот этди.
Маълум қилинишича, Ҳафизахон ая 11 август куни вафот этган. Марҳуманинг жаноза ва дафн маросими 12 август куни пешин намозидан сўнг Наманган шаҳридаги «Мавлоно» қабристонида ўтказилган.
Одилхон қори Исмоилов дафн маросимида иштирок этмаган.
Эслатиб ўтамиз, Одилхон қори Исмоилов 20 июль куни Жиноят ишлари бўйича Поп туман суди ҳукми билан 8 йилга озодликдан маҳрум этилган эди.
Маълумот учун, Одилхон қори Исмоилов кўп йиллар давомида Тошкент шаҳридаги бир қатор йирик масжидларда фаолият юритган. Жумладан, у Шайхонтоҳур тумани бош имом-хатиби ҳамда «Кўкча» (Шайх Зайниддин) масжиди имоми бўлиб ишлаган.
