Тошкент ҳайвонот боғида ҳайвонларга тош отган шахс жаримага тортилди
Қоидабузар ўз қилмиши учун узр сўраган.
Тошкент ҳайвонот боғида ҳайвонларга нисбатан номақбул муносабатда бўлган ташриф буюрувчининг шахси аниқланди. Бу ҳақда ҳайвонот боғи матбуот хизмати маълум қилди.
Ўтказилган чоралар натижасида қоидабузарнинг шахси аниқланиб, у ўз қилмиши учун узр сўраган. Ички ишлар органлари профилактика инспектори қарорига кўра, унга 2 миллион 884 минг сўм миқдорида жарима солинган.
Ҳайвонот боғи мазкур ҳолат юзасидан бефарқ бўлмаган фуқароларга миннатдорлик билдирган.
Таъкидланишича, ҳайвонларга нисбатан шафқатсиз муносабат қонунчиликда белгиланган жавобгарликка сабаб бўлади. Жониворларга зарар етказган шахслар қонун доирасида жавобгарликка тортилади.
Аввалроқ ҳайвонот боғига ташриф буюрган шахс шер Алекс ва жайраларга тош отгани ҳақида хабар берилган эди.
