Мактабларда янги ўқув йили 2 сентябрдан бошланади
795 мингдан ортиқ биринчи синф ўқувчисига 12 номдаги ўқув қуролларидан иборат “Президент совғаси” топширилади.
Ўзбекистондаги барча умумтаълим мактабларида 2026/2027-ўқув йили 2 сентябрь, чоршанба куни бошланади.
Янги ўқув йилида мактабга илк бор қадам қўядиган 795 мингдан ортиқ биринчи синф ўқувчисига 12 номдаги ўқув қуролларидан иборат “Президент совғаси” топширилади.
Эслатиб ўтамиз, аввалроқ 2026/2027-ўқув йилида академик лицей ва техникумларда ўқув жараёнлари 2 сентябрдан бошланиши маълум қилинган эди.
Олий таълим ташкилотларида эса янги ўқув йили:
-
1-босқич талабалари учун — 7 сентябрдан;
-
2-босқич ва ундан юқори босқич талабалари учун — 14 сентябрдан бошланади.
