Саида Мирзиёева Пекиндаги Хитой Коммунистик партияси тарихи музейига ташриф буюрди
Саида Мирзиёева Хитойнинг бир асрлик тараққиёт йўлини акс эттирувчи мажмуа ҳақидаги таассуротларини билдирди.
Саида Мирзиёева Пекин шаҳрида Хитой Коммунистик партияси тарихи музейида бўлди.
“Мамлакатнинг бир асрлик тараққиёт солномасини авайлаб сақлаб келаётган мазкур мажмуа ўзининг салобати, улуғворлиги билан кишида ҳайрат уйғотади.
Музей залларида Хитой қанчалик мураккаб ва машаққатли йўлни босиб ўтгани, шу давр ичида қандай улкан ўзгаришларга эришганини чуқур ҳис этасиз.” — дея ёзди Саида Мирзиёева.
Аввалроқ Президент администрацияси раҳбари Саида Мирзиёева Хитой Коммунистик партияси Марказий Қўмитаси Сиёсий бюроси Доимий қўмитаси аъзоси, Бутунхитой халқ вакиллари кенгаши Доимий қўмитаси раиси Чжао Летсзи ва Хитой Коммунистик партияси Марказий Қўмитаси Сиёсий бюроси аъзоси, ХКП МҚ Ташқи ишлар бўйича комиссияси девони раҳбари, Хитой ташқи ишлар вазири Ван И билан учрашув ўтказганди.
