Саида Мирзиёева Хитой ташқи ишлар вазири Ван И билан ҳам учрашди
Ўзбекистон ва Хитой ўртасидаги стратегик шерикликни ривожлантириш масалалари муҳокама қилинди.
Саида Мирзиёева Хитой Коммунистик партияси Марказий Қўмитаси Сиёсий бюроси аъзоси, ХКП МҚ Ташқи ишлар бўйича комиссияси девони раҳбари, Хитой ташқи ишлар вазири Ван И билан учрашув ўтказди.
Қайд этилишича, учрашув самимий ва дўстона руҳда ўтган.
Суҳбат давомида Ўзбекистон ва Хитой ўртасидаги стратегик шерикликнинг янги босқичга кўтарилгани ҳамда савдо, иқтисодиёт, инвестиция ва маданий алоқалар каби устувор йўналишлардаги муносабатларни ривожлантириш масалалари муҳокама қилинган.
Шунингдек, глобал масалалар бўйича умумий қарашларни шакллантиришга алоҳида тўхталиб ўтилган. Саида Мирзиёева Ван Ига суҳбат учун миннатдорлик билдирди.
