Ҳиндистон Бош вазири "Янги Ўзбекистон" боғига ташриф буюрди
Нарендра Моди Мустақиллик монументи пойига гул қўйди.
Ҳиндистон Республикаси Бош вазири Нарендра Моди Ўзбекистон Республикаси Президенти Шавкат Мирзиёев ҳамроҳлигида "Янги Ўзбекистон" боғига ташриф буюрди.
Анъанага кўра, олий мартабали меҳмон Мустақиллик монументи пойига гул қўйди.
Мажмуа билан қисқача танишув давомида ушбу меъморий ансамблнинг мазмуни ва ўзига хос хусусиятлари ҳақида маълумот берилди.
Аввал хабар берилганидек, давлат ташрифи доирасида Ўзбекистон–Ҳиндистон стратегик шериклик муносабатларини янада ривожлантириш ва кўп қиррали ҳамкорликни кенгайтириш масалалари муҳокама қилинади.
Ташрифнинг асосий тадбирлари эртага, 30 август куни бўлиб ўтади.
