Хитой сунъий интеллект пойгасини танқид қилди: Пекин ҳамкорликка чақирди
Пекин сунъий интеллект соҳасидаги рақобатни кескинлаштириш ва технологик устунликка интилиш ҳақидаги қарашларни танқид қилди.
Хитой сунъий интеллект соҳасидаги “таҳдид”, “қарама-қаршилик” ва “зарар келтирувчи рақобат” ҳақидаги қарашларни танқид қилди. Пекин сунъий интеллектни хавфсиз ва манфаатли ривожлантириш учун халқаро ҳамкорликка чақирди.
Хитой ТИВ вакили Гуо Жиакун барча томонлар очиқ ва инклюзив сунъий интеллектни ривожлантириш устида биргаликда ишлаши кераклигини таъкидлади.
Мутахассислар эса АҚШ ва Хитой ўртасида сунъий интеллектни ривожлантиришни секинлаштириш ёки хавфсизлик бўйича келишувга эришиш қийинлигини айтмоқда. Чунки сунъий интеллект икки давлат ўртасидаги стратегик рақобатнинг муҳим йўналишига айланган.
АҚШда эса айрим мутахассислар сунъий интеллект ривожланишининг ҳозирги суръати жиддий хавф туғдириши мумкинлигидан огоҳлантирмоқда. Доналд Трaмп эса АҚШ технологик устунликни қўлга киритиши кераклигини билдириб, сунъий интеллект пойгасида ғолиб бўлган давлат умумий ҳисобда ҳам устунликка эга бўлишини айтган.
АҚШ ва Хитой етакчилари Доналд Трaмп ва Си Цзиньпиннинг келгуси учрашувида сунъий интеллект масаласи ҳам муҳокама қилиниши кутилмоқда.
