Афғонистон АҚШдан товон пули талаб қилмоқчи
Афғонистоннинг янги ҳукумати ҳарбий кампания давомида тинч аҳоли орасидаги қурбонлар ва инфратузилмага қилинган ҳужумлар оқибатида етказилган зарар учун АҚШдан товон пули талаб қилмоқчи, — деди “РИА Новости” агентлигига берган интервьюсида муваққат ҳукумат маданият ва ахборот вазири ўринбосари Забиҳулло Мужоҳид.
"АҚШ кўп маротаба ҳаводан янглиш зарбалар берди. Бунинг оқибатида уйлар, масжидлар, тиббий муассасалар вайронага айланди, тинч аҳоли ҳалок бўлди. Биз бунинг учун товон пули талаб қиламиз. Умид қиламизки, келажакда биз афғон халқининг компенсация олиш ҳуқуқини ва Америка уруши пайтида азоб чеккан мамлакатни тиклаш жараёнини амалга ошира оламиз", — деди Мужоҳид.
Вазир ўринбосарининг таъкидлашича, бугун ҳукумат асосан ички масалаларни ҳал қилиш билан банд.
Бундан аввал “Толибон" Хитой ва Покистонга элчи тайинламоқчи бўлаётгани тўғрисида хабар берилганди.
Насиба Тўхтаева
