Афғонистон учун мўлжалланган вертолётлар Киевга берилади

 

АҚШ президенти Жозеф Байден Украина учун янги ҳарбий ёрдам пакетини тасдиқлади. Бу ҳақда BBC хабар берди.

 

Унга кўра, Вашингтон Киевга 11 та Ми— 17 вертолётлари, 155 мм калибрли 18 дона артиллерия қурилмалари, ҳаво ҳужуми ва артиллерия ҳужумига қарши радарлар, 200 дона М113 бронетранспортёрлари, 100 дона Humvee йўлтанламас машиналари, шунингдек, кимёвий, биологик ва радиацион ҳужумга қарши ҳимоя воситалари тақдим этган.

 

Эътиборлиси, вертолётлар Афғонистон Ислом Республикасига етказиб берилиши керак эди, аммо мамлакатда ҳокимият толиблар қўлига ўтгач, бу дастур тўхтаб қолган.

 

Айрим ОАВ маълумотларига кўра, Байден бу ёрдам пакетига вертолётларни қўшмаган, аммо шахсан Владимир Зеленскийнинг илтимосидан сўнг бунга розилик билдирган.

 

Аввалроқ Ғарбнинг Украинага ҳужумкор қуролларни етказиб беришдан ўзини тийиб тургани тўғрисида хабар берилганди.