Анчелоттининг cерияси якунлади

 

Мадриднинг “Реал” клуби бош мураббийи Карло Анчелотти 2010 йилдан бери илк бор финалда мағлуб бўлди. Кеча Мадриднинг “Реал” клуби Испания Суперкубоги финалида “Барселона”га 3:1 ҳисобида имкониятни бой берди.

 

Италиялик мутахассис устозлик қилаётган жамоалар сўнгги 13 йил давомида финалда мағлуб бўлмаганди. Охирги марта шу кунгача 2010 йилнинг августида, Анчелотти бошчилигидаги “Челси” Англия Суперкубогида “Манчестер Юнайтед”га ютқазган эди.

 

Анчелоттининг муваффақиятли серияси “Челси” билан Англия кубогида ғалаба қозонганидан кейин бошланди. Кейин мураббий 2014 йилда Испания кубогини қўлга киритган “Реал”ни бошқарган.

 

Шундан сўнг Анчелотти “Реал” билан Чемпионлар лигаси, Европа Суперкубоги ва клублар ўртасидаги жаҳон чемпионатида ғолиб чиқди. Кейин мураббий “Бавария”ни бошқарган ва у билан икки марта Германия Суперкубоги финалида ғолиб чиққан. “Реал Мадрид”га қайтганидан сўнг Анчелотти Чемпионлар Лигаси, Испания Суперкубоги ва Европа Суперкубоги финалларида ғалаба қозонди.