“АПЛда “Манчестер Сити” чемпион бўлади”
Невилл Премьер-лиганинг якуний жадвали ҳақида тахмин қилди.
“Манчестер Юнайтед”нинг собиқ ҳимоячиси Гари Невилл жамоаларнинг Англия Премьер-лигасидаги якуний ўрни ҳақидаги тахминлари билан ўртоқлашди.
“Манчестер Сити” АПЛда ғолиб чиқади. “Манчестер Юнайтед” иккинчи ўринни эгаллайди”, — деб Невиллнинг сўзларидан “Скй Спортс” нашри иқтибос келтирди.
Англия премьер-лигасининг 18-туридан кейин турнир жадвалининг биринчи поғонасини 47 очко жамғарган “Арсенал” эгаллаб турибди. Иккинчи ўриндаги “Манчестер Сити”да 39 очко бор. “Нюкасл” кучли учликка 38 очко билан якун ясаб берган. “Манчестер Юнайтед” ҳисобида 38 очко мавжуд. Клуб жадвалда тўртинчи ўринни эгаллаб турибди. Турнирнинг амалдаги ғолиби “Манчестер Сити” ҳисобланади.
