Суриядаги ҳаво ҳужуми натижасида “Ал-Қоида” террорчилик гуруҳи етакчиларидан бири йўқ қилинди, дея маълум қилди АҚШ Марказий қўмондонлиги.
"АҚШнинг Сурия шимоли-ғарбидаги ҳаво ҳужуми натижасида "Ал-Қоида" раҳбарларидан бири Абдулҳамид ал-Матар ўлдирилди", — дейилади хабарда.
Ҳужум дрон ёрдамида амалга оширилди.
Таъкидланишича, зарба пайтида тинч аҳоли жабрланмаган.
“Қўшма Штатлар АҚШга зарар етказишни мақсад қилган “Ал-Қоида” ва бошқа террорчилик ташкилотлари аъзоларига ҳужум қилишда давом этади”, — дейилади баёнотда.
Бундан аввал Туркияда Фатҳулла Гулен билан алоқадорликда гумонланган юздан ортиқ ҳарбийлар қамоққа олингани тўғрисида хабар берилган эди.
Насиба Тўхтаева