АҚШ сенаторлари Россия уранидан воз кечишни таклиф қилди.
Бу ҳақда “Интерфакс” хабар берди.
Республикачилар партиясидан сенатор, ушбу таклиф муаллифларидан бири Жон Баррасонинг сўзларига кўра, Америка бозоридан Россия энергетик ресурсларини бутунлай сиқиб чиқариш вақти келди.
“Россия нефть, газ ва кўмири импортини тақиқлаш муҳим қадам, аммо у охирги бўлиши мумкин эмас. Уран импортини тақиқалб қўйиш рус ҳарбий машинасини янада заифлаштиради. Бундан ташқари, АҚШда уран ишлаб чиқаришни қайта тиклаш ва миллий хавфсизликни мустаҳкамлаш имконини беради”, – деган у.
Яна бир сенатор Синтия Луммис Вайоминг штатида катта уран захиралари борлиги ва уни экологик тоза усулда қазиб олиш имконияти мавжудлигини таъкидлаган.
Эслатиб ўтамиз, аввалроқ Япония Россия ва Беларусга янги санкциялар жорий этгани тўғрисида хабар берилганди.