Япония Россия ва Беларусга 300 турдаги юқори технологиялар ва товарлар сотишни тақиқлади. Бу ҳақда BBC хабар берди.
Тақиқлар 18 мартдан бошлаб кучга киради. Япония иқтисодиёт, савдо ва саноат вазирлиги Москвага сотиш ман этилган 266 товар ва 26 технология рўйхатини шакллантирган.
Хусусан, эндиликда Москва япон ярим ўтказгичлари, алоқа ва нефтни қайта ишлаш ускуналар каби товарларни харид қила олмайди. Бундан ташқари, эндиликда Россия ва Беларусга микрочиплар тайёрлаш учун ускуналарнинг дастурий таъминоти ҳам етказиб берилмайди. Шунингдек, Япония Москва ва Минскнинг 50 дан ортиқ ҳарбий ташкилотлари билан ҳамкорлигини тўхтатади.
Эслатиб ўтамиз, аввалроқ Россияга қарши санкциялар бутун дунёга тасъир ўтказиши маълум қилинганди.