Хабарда айтилишича, 12 ёшдан кичик болалар Pfizer/ BioNTechнинг махсус вакцинаси билан эмланади. АҚШ Озиқ-овқат ва дори-дармон назорати агентлиги вакили Жеймс Хилдрет ушбу тадбир 31 октябрдан бошланишини маълум қилган. Шунингдек, ўтган ҳафтада коронавирус билан касалланганларнинг тўртдан бир қисми болалар эканлиги аниқланган.
Бундан аввал АҚШда болаларни эмлаш масаласи кўриб чиқилаётгани хабар қилинган эди. АҚШ бош инфекционисти Энтони Фаучи октябрь бошларида Pfizer'нинг болалар учун қўлланиши бошланишига умид билдирганди.
Pfizer/BioNTech раҳбарияти ҳам болалар учун махсус вакцина чиқарилаётганини тасдиқлаган. “BioNTech”нинг тиббий тадқиқотлар бўйича директори Озлем Туречи яқин ҳафталар ичида болалар учун яратилган вакцина бўйича якуний хулосалар беришини маълум қилган. Шунингдек, уни ишлаб чиқаришга тайёргарлик кўрилаётгани айтилганди.
Бундан аввал Буюк Британияда ҳам 12-15 ёшли ўсмирлар COVID-19'га қарши эмланиши мумкинлиги ҳақида хабар берилган эди.
Жаҳонгир Қўзиев