Бунинг учун Pfizer/BioNTech етарлича клиник тажрибалар ўтказиши лозим. Унинг натижалари АҚШ Дори-дармон ва озиқ-овқат назорати бошқармасига тақдим этилади. Шундан кейин бошқарма фавқулодда ҳолатларда 5-11 ёшли болаларга компания вакциналаридан фойдаланишга рухсат бериши мумкин.
Хабарда айтилишича, рухсатнома яқин уч ҳафта ичида тақдим этилади.
“Reuters” болаларнинг коронавирусга қарши эмланишини миллионлаб ота-оналар кутаётганини маълум қилди. Унга нисбатан талаб, айниқса, “дельта” штамми оқибатида касалликнинг янги тўлқини бошланганидан кейин янада ошган.
АҚШ бош инфекционисти Энтони Фаучи октябрь бошларида Pfizer'нинг болалар учун қўлланиши бошланишига умид билдирмоқда.
Pfizer/BioNTech раҳбарияти ҳам болалар учун махсус вакцина чиқарилаётганини тасдиқлаган. “BioNTech”нинг тиббий тадқиқотлар бўйича директори Озлем Туречининг маълум қилишича, яқин ҳафталар ичида болалар учун яратилган вакцина бўйича якуний хулосалар берилади. Шунингдек, уни ишлаб чиқаришга тайёргарлик кўрилмоқда.
Эслатиб ўтамиз, бундан аввалАҚШда коронавирусга қарши эмланмаганлар касалликдан кўпроқ вафот этаётгани маълум қилинган эди.
Жаҳонгир Қўзиев