Асқар Акаев 2005 йилги давлат тўнтаришида қайси давлатнинг қўли борлигини очиқлади
Собиқ президент нимадан афсусланишини айтган.
Қирғизистоннинг собиқ президенти Асқар Акаев 2005 йилги “Лола инқилоби”да АҚШни айблади. Бу ҳақда у Олма-Отадаги чиқишида айтиб ўтган.
“АҚШ элчиси жаноб Янг очиқ равишда, айниқса, Грузия ва Украинадаги давлат тўнтаришларидан сўнг АҚШнинг бу жараёнларда қўли борлигини айтганди”, — деган у.
Шу билан бирга у 2005 йилда Қирғизистонни тарк этгани хато бўлганини тан олди. Аммо Акаев ўз номи қон тўкилиши билан алоқадор бўлишини истамаганини, шунинг учун ҳозир ҳеч нарсадан афсусламаслигини маълум қилган.
Маълумот ўрнида: 2005 йилда Қирғизистонда “Лола инқилоби” натижасида Асқар Акаев президентлик лавозимидан воз кечади.
Аввалроқ Қирғизистонда йил охирига қадар аҳолининг 38 фоизи қашшоқлашиши мумкинлиги тўғрисида хабар берилганди.
