Автомобиллар тарихи (1-қисм)

 

 

Land Rover Мк.1 (1948)

 

 

Машина тарихи муҳандис Морис Уилксга бориб тақалади. У “Willys Jeep”ини бузиб, дала ишларида ёрдам берадиган машина яратмоқчи бўлади. Уилкснинг мақсади аслида бошқа машина сотиб олмаслик эди, бироқ кейин мухандисда яхши бир ғоя туғилади. “Нега "Rover" ўзининг машиналарини чиқармаслиги керак?”

 

Моррис шу савол билан “Land Rover”нинг “Мк.1” автомобилини ишлаб чиқади. Бу воқеа 1948 йилда амалга ошади. Таъкидлаш керак, мазкур машинанинг рули автосалоннинг ўртасида жойлашган эди.

 

Lexus ЛС400 (1989)

 

 

Toyota’ни АҚШда Camry’дан қимматроқ сота олишига ишонмаган японлар АҚШ бозорига янги, ҳашаматли брендни чиқаришга қарор қилишади. Биринчи ишлаб чиқарилган Lexuc аслида ихчамлаштирилган Toyota Celsior ҳисобланади. Аммо бу янги маҳсулот бирорта штатда сотилмаганлиги учун ҳеч ким уни Toyota’нинг прототипи эканлигини пайқамаган. Бу эса мазкур автомаҳсулотнинг машҳурлик қозонишига ёрдам берди.

 

Maserati Tipo 26 (1926)

 

 

Кўпгина замонавий брендлардан фарқли ўлароқ, Maserati ўзининг биринчи маҳсулоти пойга автомобили бўлганлигидан фахрланади. 1920 йилларнинг одатий шоссеси, алюминий корпуси, қатордаги 1,5 литрли В8 ва уч поғонали механик узатмалар қутиси бўлган икки ўриндиқли Maserati Tipo 26 1926 йилда ўзининг дебютини қилган.

 

Ўша йили Тарга Флориода бўлиб ўтган автопойгада модель ихтирочиси Альфери Мазерати ўз номи билан аталган автомашина билан қатнашган. Маълумотларга кўра, у маррага гуруҳда биринчи, умумий ҳисобда эса тўққизинчи бўлиб келади. Албатта, бу бошланиш учун ёмон натижа эмас эди.

 

Mazda R360 (1960)

 

 

Биз одатда эшиклари, томи ва олд ойнаси бўлган, шунингдек, 4 та ғилдиракка эга техникани автомашина деб атаймиз. Бироқ Мazda’нинг биринчи маҳсулотида бундай хусусиятларнинг биттаси кам эди. Компаниянинг биринчи автомобили уч ғилдиракли бўлгани ҳақида билармидингиз? Билмасангиз, суратга қаранг. 1960 йилда ишлаб чиқарилган мазкур Mazda R360 16 от кучига эга, икки ўриндиқли ҳақиқий автомашина эди.

 

Mercedes 35 h.p.

 

 

Мазкур компаниянинг номи қандай келиб чиққанидан хабардорсиз. 1901 йилда Вильгельм  Майбах ва Пауль Даймлер томонидан австриялик тадбиркор Эмиль Еллинек учун ишлаб чиқарилган машина унинг қизи шарафига "Мерcедеs" деб аталган. У 35 от кучига эга бўлиб, ўз даврида ҳавас қилса арзийдиган спорт автокари эди. Кейинчалик ўз автотадбиркорлигини давом эттирган Даймлер бошқа автомаҳсулотлари учун ҳам "Меrcedes" номини сақлаб қолди.

 

Оламгир Абдиев