Байден Эрдоғанга F-16 бўйича ваъда берди
Туркия узоқ вақтдан буён ушбу қирувчи самолётларни кутмоқда.
Жозеф Байден Туркияга F-16 қирувчи самолётларининг етказиб берилиши Конгрессдан ўтиши учун ҳаракат қилади. Бу ҳақда у туркиялик ҳамкасби Ражаб Тоййиб Эрдоғанга ваъда берган.
Икки давлат етакчилари НАТО саммити доирасида музокара ўтказган. Шу билан бирга Байденнинг бу баёноти ҳали расмий манбалар томонидан тасдиқлангани йўқ.
Эрдоған НАТОнинг Мадриддаги саммити олдидан Вашингтонни қирувчи самолётларни етказиб бериш жараёнини атайин чўзишда айблаганди.
Бундан олдин Туркия АҚШдан 40 дона F-16 Block самолётларини сўраган.
