Жозеф Байден ва Владиир Зеленский ўртасида телефон мулоқоти бўлиб ўтди. Бу ҳақда “ТАСС” хабар берди.
Томонлар Украина ва Россия чегарасидаги вазият, хавфсизлик, молиявий ва иқтисодий масалаларни муҳокама қилган. Зеленский америкалик ҳамкасбидан молиявий ва ҳарбий ёрдамни кўпайтиришни сўраган. Шу билан бирга Байденни Украинага таклиф қилган. Аммо CNN’нинг Оқ уйдаги манбаларига кўра, унинг Киевга ташриф буюриш эҳтимоли кам.
АҚШ президенти администарциясининг маълум қилишича, томонлар Украина атрофидаги вазиятни дипломатик йўллар билан ҳал қилиш зарурлигини таъкидлаган. Байден, ўз навбатида, Украина суверенитетига содиқ эканлигини таъкидлаган. Суҳбат бир соатга яқин давом этган.
Бу икки давлат раҳбарларининг 2022 йилдаги учинчи марта телефон орқали мулоқоти бўлди.
Аввалроқ Киевда Зеленский билан Макроннинг учрашуви бўлиб ўтгани тўғрисида хабар берилганди.
Жаҳонгир Қўзиев