"Биз Байден изидан бормоқчи эмасмиз" — Жозеп Боррель
ЕИ бош дипломати Россия нефть ва газига санкция жорий этилиши эҳтимоли ҳақида гапирди.
ЕИ Россия энергоресрусларига қарши санкция жорий этмоқчи эмас. Бу ҳақда Европа ташқи ишлар ва сиёсат бўйича олий комиссари Жозеп Боррель маълум қилди.
"Биз Россия энергоресурсларига санкция жорий этмоқчи ва Бацден изидан бормоқчи эмасмиз", — деган у Al Jazeera телеканалига берган интервьюсида.
Шу билан бирга Европа бош дипломати ҳозирда ЕИ рус газига муқобил каналлар қидираётганини, сабаби Москва "ишончли ҳамкор" бўла олмаётганини таъкидлаган.
Маълумот ўрнида: 8 март куни АҚШ Россиядан нефть ва газ импортини тақиқлаб қўйди. Шунингдек, рус энергетика секторига инвестициялар киритиш ман этилган.
Эслатиб ўтамиз, аввалроқ Россия бош вазири ўринбосари Александр Новак нефть ва газ секторига санкция жорий этилган тақдирда бошқа юозорларга маҳсулот йўналтирилишини маълум қилганди.
