Украина ташқи ишлар вазири Дмитрий Кулебанинг фикрича, дипломатия мамлакатдаги низони ҳал этиш учун энг асосий восита ҳисобланмайди. Бу ҳақда у BBC’га берган интервьюсида айтган.
“Тан олишим керак, ҳозирги вазиятда дипломатия можаронинг ҳал этилишининг асосини ташкил этмайди. Биз тинчликни жанг майдонида қўлга киритишимиз керак”, – деган Украина бош дипломати.
У, шунингдек, Бучада содир бўлган фожиалардан сўнг Ғарб Киевни барча зарур қурол-яроғ воситалари билан таъминлаши шартлигини қўшимча қилган.
Аввалроқ Кулеба Германияни Украинани етарли даражада қўллаб-қувватламаётганини айтганди.
