Украина ташқи ишлар вазири Дмитрий Кулебанинг фикрича, Германия Киевни етарли даражада қўллаб-қувватламаяпти. Бу ҳақда дипломат Stern нашрига берган интервьюсида айтиб ўтди.
“Германия иқтисодиётини қурбон қилишдан хавфсирамоқда. Биласизсми? Биз ҳақиқий қурбонликка боряпмиз. Биз одамларни йўқотяпмиз. Уруш давом этар экан, сизнинг давлатингиз кўп нарса қилиши керак”, — деган у.
Вазир, шунингдек, немис ҳукуматидан Москвадан импорт қилиш, ўз портлари орқали Россия товарлари экспортини тўхтатиш, барча рус банкларини SWIFT тизимидан узишни ҳамда Россия газ, нефть ва кўмиридан воз кечишни талаб қилган.
Шу билан бирга, Кулеба шахсий ҳаётидаги ўзгаришлар ҳақида гапирган. Унга кўра, дипломат бир жойда икки кундан ортиқ ишламайди ва доимий равишда тураржойини ўзгартириб туради.
“Ёмон ухлаяпман. Тун давомида икки-уч марта уйғонаман. Ҳаво тревогаси туфайли”, — деган у.
Аввалроқ Путин газ масаласида Макронга шарт қўйгани тўғрисида хабар берилганди.