БМТ Украина ва Россия ўртасида уруш бўлмайди, деб ҳисоблайди
Антонио Гуттериш: "Мен ҳали ҳам бу уруш содир бўлмаслигига ишонаман, лекин агар юз берса, бу фалокат бўлади”.
Бирлашган Миллатлар Ташкилоти Бош котиби Антониу Гутерриш Россия ва украина ўртасида тўлиқ миқёсли уруш бўлмайди, деб ҳисоблайди. Бу ҳақда у Мюнхен хавфсизлик конференсиясида айтди.
“Мен ҳали ҳам бу уруш содир бўлмаслигига ишонаман, лекин агар содир бўлса, бу фалокат бўлади”, — деди Гутерриш.
У барчани бунинг учун дипломатик саъй-ҳаракатлар қилишга чақирди.
Гутерриш эслаганидек, жаҳон тартиби тамойилларини белгилаб берувчи БМТ Низомида барча аъзо давлатлар можароларни тинч йўл билан ҳал қилишлари, бу дунё қонунчилиги ва тинчлигига зиён етказмасликлари, барча аъзолар давлатга таҳдид қилишдан ўзини тийиши кераклиги аниқ таъкидлаган. Куч ишлатиш ёки бошқа давлатнинг ҳудудий яхлитлиги ёки сиёсий мустақиллигига қарши куч ишлатиш мумкин эмас.
Бундан ташқари, Гутерриш барчани ўз риторикасида иложи борича вазмин бўлишга ва “ўтга ёғ қўймасликка” чақириб, дезинформациянинг ўта хавфли эканлигини таъкидлади. Ниҳоят, БМТ Бош котиби ташкилот тизими Украинада, хусусан, шарқда ўз фаолиятини давом эттираётганини таъкидлади ва Украина ҳукуматига бу борадаги ҳамкорлик учун миннатдорчилик билдирди.
Эслатиб ўтамиз, аввалроқ НАТО бош котиби Енс Столтенберг Россия Украинани окупация қилиш учун баҳона излаётганини маълум қилинганди.
Насиба Тўхтаева
