Швецияда Украина учун қурол ишлаб чиқарилиши мумкин. Бу ҳақда мамлакат мудофаа вазири Петер Хультквист маълум қилди.
Унинг сўзларига кўра, бир неча давлатда Киев учун қурол ишлаб чиқариш йўлга қўйилиши мумкин. Хусусан, Хультквист Швециядан ташқари, Словакия, Чехия ва Польшада бундай имконият мавжудлигини қайд этган.
Гап биринчи навбатда артиллерия тизимлари ҳақида кетмоқда. Швеция мудофаа вазири ушбу давлатлардаги ишлаб чиқариш қувватларидан Украинага тўғридан-тўғри етказиб бериш мумкин бўлган қуроллар учун фойдаланиш зарурлигини айтган.
Аввалроқ Байден Исроилдан Украинани қурол билан таъминлашни сўраганди.