Қирғизистонда Президент Садир Жапаровнинг беш йиллик раҳбарлик фаолиятига бағишланган тўрт қисмли «Президент» ҳужжатли фильми намойиш этилди.
Фильмнинг иккинчи қисмида Қирғизистон президенти Садир Жапаров қирғиз–тожик чегарасида юзага келган кескин вазиятга тўхталиб, мазкур масалага ечим топилишида Ўзбекистон президенти Шавкат Мирзиёевнинг маслаҳатлари ва вазмин дипломатик ёндашуви муҳим аҳамият касб этганини таъкидлади.
Садир Жапаровнинг сўзларига кўра, саммит ва учрашувлар давомида у биринчи бўлиб Тожикистон раҳбарига чегара масаласини бевосита муҳокама қилишни таклиф қилган. Дастлаб бу таклиф қўллаб-қувватланмаган бўлсада, кейинги учрашувлардан бирида Тожикистон томони музокараларга розилик билдирган.
“Шу ўринда алоҳида таъкидлашим керакки, бунда Ўзбекистон президенти Шавкат Мирзиёевнинг ўрни жуда катта бўлди. У киши муаммоларни ҳозир, шу ернинг ўзида ҳал қилиш зарурлигини, акс ҳолда кейин имкон бўлмаслиги мумкинлигини айтди. Ён беришга бориш лозимлигини маслаҳат берди. Шундан сўнг икки раҳбар бир стол атрофида ўтириб, чегара масаласини ҳал қилдик”, — дея қайд этди Қирғизистон президенти.
Шунингдек, Қирғизистон ташқи ишлар вазири Жеэнбек Қулубаев ҳам мазкур жараёнда Ўзбекистон президенти Шавкат Мирзиёевнинг ташаббус ва саъй-ҳаракатларини эътироф этди. Унинг эслашича, Ўзбекистон раҳбари чегара можаросининг давом этиши минтақавий барқарорликка салбий таъсир кўрсатишини бир неча бор таъкидлаган.
“Қирғизистон ва Тожикистон келишиши керак. Агар минтақада низоли вазият сақланиб қолса, бу ерга на инвестор, на сайёҳ келади. Ташқаридан қараганда эса барча давлатлар номи ʼ-истонʼ билан тугагани учун улар доим можароли ҳудуд сифатида қабул қилинади”, — деган эди Ўзбекистон раҳбари, дея эслайди Қулуба