“Ювентус” ҳужумчиси Пауло Дибала Мадриднинг “Атлетико” клуби бош мураббийи Диего Симеоне билан испан клубига ўтиш борасида музокара ўтказди. Бу ҳақда журналист Педро Алмейда ўз Твиттер саҳифасида хабар берди.
Олдинроқ 28 ёшли футболчи учун фақат Франциянинг “ПСЖ” ва миланлик “Интер” клублари қизиқаётгани, Дибала эса “Атлетико” вариантини рад этгани хабар қилинганди.
Маълумот ўрнида: Дибала “Ювентус”да 2015 йилдан бери тўп суради. Ҳужумчи жорий мавсум А Cериянинг 22 ўйинида 8 та гол урди ва 5 та голли узатмани амалга оширди. Шунингдек, у Чемпионлар Лигасининг 5 та ўйинида 3 та гол ва 1 та голли узатмага муаллифлик қилди.
Аввалроқ Диего Симеоненинг отаси 80 ёшида вафот этгани ҳақида хабар берилганди.
