Дмитрий Кулеба: Энг яхши йўл – Киевни қўллаб-қувватлаш
Украина ташқи ишлар вазири Ҳиндистонни Украина можаросидаги нейтрал позициясидан воз кечишга чақирди.
Бу ҳақда у India Today телеканалига берган интервьюсида айтган.
“Биз Ҳиндистон ҳукуматининг Украинага бўлган симпатиясини қадрлаймиз. Шунингдек, биз Ҳиндистоннинг урушни тўхтатишга оид чақириқларини ҳам ҳурмат қиламиз. Шу билан бирга Фикримча, ҳозирги вазиятда нейтрал позиция ёрдам бера олмайди. Энг яхши йўл – Украинани қўллаб-қувватлаш”, – деган Украина ТИВ раҳбари.
Дипломат Деҳлининг Москва билан алоҳида муносабатлари мавжудлигини тан олган. Аммо унинг сўзларига кўра, “Ҳозирги Россия Ҳиндистон билан алоҳида муносабатларни ривожлантирган Россия эмас”.
Ҳиндистон Украина можароси бошидан буён нейтралликни сақлаб келади.
Аввалроқ Ҳиндистон ва АҚШ Украинадаги жанговар ҳаракатларни тўхтатишга чақирганди.
