Ҳиндистон ва АҚШ Украинадаги жанговар ҳаракатларни тўхтатишга чақирди
Икки давлат ташқи ишлар ва мудофаа вазирлари учрашуви бўлиб ўтган.
Вашингтон ва Нью-Дели Украинадаги ҳарбий ҳаракатларни дарҳол тўхтатишга чақирди. Бу ҳақда икки давлат мудофаа ва ташқи ишлар вазирлари учрашуви якуний баёнотида сўз боради.
Вазирлар уруш давомида тинч аҳоли вакилларининг ҳалок бўлиши ҳолатларини қаттиқ қоралаган. Шу билан бирга халқаро муносабатлар БМТ устави, халқаро ҳуқуқни ҳурмат қилиш, суверенитет ва барча давлатларнинг ҳудуди яхлитлиги тамойилларига қурилгани таъкидланган.
Учрашув душанба куни Вашингтонда бўлиб ўтган. Унда АҚШ давлат котиби Энтони Блинкен, Ҳиндистон ташқи ишлар вазири Субраманьям Джайшанкар, икки давлат мудофаа вазирлари Ллоцд Остин ва Раджнатх Сингхлар иштирок этган.
Аввалроқ Оқ уй Ҳиндистонни Россия масаласида огоҳлантирганди.
