Электр энергияси танқислигига нима сабаб бўлаётгани очиқланди
Жорий йилда сув танқислиги туфайли мамлакатимиз гидроэлектр станцияларида электр энергияси ишлаб чиқариш ҳажми қарийб 23 фоизга камайди.
Бу эса истеъмолчиларни электр энергияси билан таъминлашга салбий таъсир кўрсатмоқда.
ГЭСларда сув ҳажмининг камлиги сабабли электр энергияси ишлаб чиқариш кўрсаткичлари камайиши кузатилмоқда ва бунинг натижасида айрим ҳудудларда электр энергияси таъминотида қисқа муддатли узилишлар кузатилмоқда.
Бу гидроэлектр станцияларида электр энергияси ишлаб чиқаришнинг қисқариши билан боғлиқ бўлиб, бу эҳтиёжни тўлиқ қоплаш учун зарур миқдорда электр энергияси етишмаслигига олиб келди.
Статистик маълумотларга кўра, 2019 йилда гидроэлектр станцияларда ишлаб чиқариш 6,5 миллиард киловатт-соатни ташкил этган бўлса, жорий йилда бу кўрсаткич ўтган йилги кўрсаткич каби 5 миллиард киловатт-соатни ёки 1,5 миллиард киловатт-соатга кам (23 фоиз)ни ташкил этмоқда.
Мазкур 1 млрд 200 млн киловатт-соат электр энергия билан республика аҳоли истеъмолчиларини 1 ой мобайнида узлуксиз электр энергияси билан таъминлаш мумкин.
Жорий йилда сув омборларида белгиланган сув захиралари тўпланмагани нафақат Ўзбекистон, балки қўшни республикаларда ҳам кузатилмоқда. Шунингдек, мамлакатимизда мавжуд барча имкониятлардан фойдаланган ҳолда электр станциялар орқали режада кўрсатилган ҳажмларда электр энергияси ишлаб чиқариш чоралари кўрилмоқда.
Эслатиб ўтамиз, аввалроқ 2017-2020 йиллар давомида 2 мингта маҳалладаги 1,7 миллиондан ортиқ истеъмолчининг электр таъминоти яхшилангани ҳамда Ўзбекистонда 2025 йилгача 18 та электр станция фойдаланишга топширилгани ҳақида хабар берилганди.
Чўлпоной Аҳмедова
