Энди “Пахтакор”ни португалиялик мураббий бошқаради
Бу ҳақида клубнинг матбуот анжуманида маълум қилинди.
“Пахтакор” футбол клубини энди португалиялик мураббий бошқаради. Бу ҳақида клубнинг кейинги режалари юзасидан ўтказилаётган матбуот анжуманида хабар берилди.
Унга кўра, эндиликда “Пахтакор” клубини 1975 йилда туғилган португалиялик Педро Морейра бошқаради. Айни пайтда мураббий ўз юристлари билан бирга Тошкентда бўлиб турибди.
Маълумот учун, Педро Морейра 2009-2012 йилларда “Спортинг” ёшлар жамоаси бош мураббийи бўлган. Кейинчалик “Пасуш Феррейра”, “Порту”, “Брага”, “Шахтёр” (Украина), “Рома” (Италия) каби клубларда Пауло Фонсеканинг штабида ёрдамчи мураббий бўлиб фаолият олиб борган. “Торренсе” ва “Каза Пия” (иккаласи Португалия) клубларида эса бош мураббий бўлиб ишлаган.
