Туркия дунёдаги энг кучли армияни яратади. Бу ҳақда Ражаб Тоййиб Эрдоған маълум қилди.
“Биз армияни дунёдаги энг кучлисига айлантирмагунча мустаҳкамлашда давом этамиз. Айниқса,қуролли кучларнинг тийиб туриш салоҳиятини оширишга алоҳида аҳамият берамиз”, – деган у.
Туркия етакчисининг сўзларига кўра, айрим соҳаларда кадрлар етишмовчилиги кузатилаётган бўлса-да, армия муваффақиятларга эришишда давом этяпти. Бу айниқса, терроризмга қарши курашда намоён бўлмоқда.
"Терроризмга қарши кураш бу таҳдид бутунлай йўқ қилинмагунга қадар давом этади”, – деб қўшимча қилган Эрдоған.
Аввалроқ Эрдоған Туркия XXI асрнинг энг ёрқин юлдузларидан бири бўлишини айтганди.