Фарғонада "Lacetti" ҳайдовчиси йўлдан ўтаётган она-болани уриб юборди
Ҳодиса оқибатида 1 ёшли бола шифохонага ётқизилган.
Бугун, 19 январь куни Фарғона шаҳрида 35 ёшли “Lacetti” ҳайдовчиси пиёдалар ўтиш жойидан йўлни кесиб ўтаётган она ва унинг қўлидаги 1 ёшли чақалоғини уриб юборган.
Ҳодиса оқибатида онага тез тиббий ёрдам кўрсатилган, 2021 йилга туғилган фарзанди эса жиддий тан жароҳати билан шифохонага ётқизилган.
Ҳозирда мазкур ҳолат юзасидан Фарғона вилояти ИИБ томонидан дастлабки тергов ҳаракатлари олиб борилмоқда.
Аввалроқ Тошкент шаҳрида “Spark” ҳайдовчиси пиёдани уриб юборгани ҳақида хабар берилганди.
Жавоҳирбек ТУРСУНОВ
