Тошкентда "Spark" ҳайдовчиси пиёдани уриб юборди
1995 йилда туғилган пиёда тан жароҳати олиб шифохонага ётқизилган.
Ички ишлар вазирлиги Йўл ҳаракати хавфсизлиги Бош бошқармаси ахборот хизмати хабарига кўра, жорий йилнинг 19 ноябрь куни соат 01:00 ларда Тошкент шаҳри, Янгиҳаёт туманида содир бўлган.
Маълум бўлишича, Бинокор кўчаси 2-даражали йўлда ҳайдовчи, 1991 йилда туғилган С.Н. "Spark" русумли автомобилни бошқарган. Ушбу кўчадан йўлнинг белгиланмаган жойидан кесиб ўтаётган пиёда, 1995 йилда туғилган Т.З.ни уриб юборган.
Оқибатда пиёда Т.З. тан жароҳати олиб шифохонага ётқизилган.
Ҳозирда мазкур ЙТҲ юзасидан Тошкент шаҳар ИИББ ҳузуридаги ТБ томонидан суриштирув ҳаракатлари олиб борилмоқда.
"Барча ҳаракат иштирокчиларидан белгиланган қоидаларга амал қилишларини сўраймиз", — дейилади хабарда.
Эслатиб ўтамиз, аввалроқ Сирдарёда "Nexia" ва "Зил" юк машинаси иштирокида аянчли ЙТҲ юз бергани, "Lacetti"нинг дарахтга бориб урилиши оқибатида йўловчи вафот этгани, Тошкент вилоятида юк машинаси 7 та машина билан тўқнашиб кетгани ҳамда Наманганда "Nexia" ҳайдовчиси йўлдан ўтаётган аёлни уриб юборгани ҳақида хабар берилганди.
