Россиялик туристларнинг Финляндияга кириши бутунлай тақиқланади. Бу ҳақда мамлакат ташқи ишлар вазири Пекка Хаависто маълум қилди.
“Бугун биз ушбу туристлар оқимини тўхтатиш масаласида умуммиллий қарор ишлаб чиқишга қарор қилдик ва бу тартиб қонунчиликка киритилиши мумкин”, – деган дипломат Нью-Йоркдаги матбуот анжуманида.
Унинг қўшимча қилишича, Финляндияда одатий саёҳат қиладиганлар мамлакат хавфсизлигига таҳдид туғдирмайди. Аммо россияликлар билан боғлиқ вазиятда маънавий ва ахлоқий принциплар мавжуд.
“Россия Украинага қарши қуролли агрессия уюштирган пайтда россияликларнинг Финляндия ва Европанинг бошқа қисмларига одатий ташрифларида ҳеч қандай ахлоқий асос мавжуд эмас”, – деб таъкидлаган Хаависто.
ТИВ раҳбари визаси бўлган Россия фуқароларига ҳам мамлакатга кириш тақиқланиши мумкинлигини эслатиб ўтган.
Маълумот ўрнида: Сентябрь бошларида ЕИ давлатлари Россия билан соддалаштирилган виза бериш бўйича келишувни тўхтатиб қўйди. Шенген олиш муддати чўзилган, унга тўловлар оширилган. РФ билан чегарадош бўлган давлатларга эга миллий даражада россияликлар киришини тақиқлашга рухсат берилди. Польша ва Болтиқ давлатлари бу ҳуқуқдан фойдаланишни бошлаган.