Француз энергетик компанияси раҳбари Россиядан қарамликни тан олди
Санкциялар ортидан нефть ва газ нархи кескин ошишда давом этмоқда.
Европа Иттифоқи Россия газига тўлиқ муқобил вариант топа олмайди. Бу ҳақда Engie француз энергетика концерни раҳбари Катрин Макгрегор маълум қилди.
"Биз ҳозирда эгалик қилаётган ресурслар чекланган. Улар биз Россиядан олаётган барча газ ҳажмининг ўрнини босолмайди", — деган у.
У ЕИ истеъмол қиладиган 40 фоиз газ Москва томонидан етказиб берилишини эслатди. Европа Шарқидаги айрим давлатларда эса бу кўрсаткич 100 фоизни ташкил этади.
"Етказиб беришнинг тўхтатиб қўйилиши оғир ва тезкор оқибатларни келтириб чиқарарди. Бундай вазиятда биз янги энергетик реалликка кирган ва унда мисли кўрилмаган тарифлар бўларди", — деб қайд этган тадбиркор.
Макгрегор, шунингдек, Евроиттифоқ руч кўмиридан янада қарамлигини таъкидлаган.
Маълумот ўрнида: 25 февраль куни Россия Украинага қарши махсус операция бошлагач, Ғарб Москвага қарши санкциялар жорий этди. Ушбу омил ва геосиёсий ўзгаришлар газ ва нефть нархининг кескин ошишига олиб келди. Ҳозирда Brent маркали нефтнинг бир баррели 130 доллардан ошди. Бу тарихий рекорд ҳисобланади.
Эслатиб ўтамиз, аввалроқ Европада минг кубометр газ нархи 2400 доллардан ошгани тўғрисида хабар берилганди.
