Голограмма билан мулоқот қилиш имконини берувчи қурилма яратилди

 

Яъни, эндиликда инсоният масофадан туриб, бир бири билан голограмма кўринишида суҳбатлашиши мумкин.

 

Маълумотларга кўра, мазкур ихтиро оламдан ўтган тарихий шахслар ва қариндошларнинг ёзиб олинган тасвирларини голограмма кўринишида узатиб берадиган программалар билан ҳам жиҳозланиши мумкин.

 

Баландлиги 2.1 метр, кенглиги 1.5 метр бўлган қурилмани ишлатиш учун токка тиқилади. Қизиғи, камера ва оқ фонга эга бўлган ҳар бир киши қурилма хотирасига ўз голограммасини юклаш имкониятига эга.

 

"Биз бир неча ой давомида бир-бирини кўрмаган ҳарбийларнинг оилалари, турли қирғоқлардан келган одамлар ёки коронавирус туфайли карантинда бўлганлар ўртасида алоқа ўрнатишимиз мумкин", - дейди PORTL бош директори Дэвид Нуссбаум.

 

Ҳозирча қурилма нархи 60 000 доллардан бошланади, бироқ расмийларнинг айтишича, “кейинги 3-5 йил ичида арзонлашади”. 

 

Маълумотларга қараганда, қурилма Лос-Анджелесдаги StoryFile компаниясининг сунъий интеллекти ва сақлаш имконияти билан жиҳозланади ва голограммаларга ёзиб олинади. Бу эса улар билан мулоқот қилиш имкониятини беради. Қурилмаган ўрнатилган бундай функциялар унинг нархига ҳам таъсир қилади. Яъни, 85 000 доллар.

 

"Одамлар ўзларини голограмма билан ҳақиқатан ҳам гапиргандек ҳис қилишлари мумкин. Сиз уларнинг мавжудлигини, тана ҳаракатини, оғзаки бўлмаган хусусиятларини ҳис қиласиз", - дейди StoryFile директори Хезер Смит.

 

Аввалроқ олимлар деярли янчиб бўлмайдиган суварак-роботни яратгани ҳамда "Амазон" янги уй роботини тақдим этгани ҳақида хабар берилганди. 

 

Оламгир Абдиев