Tesla ва SpaceХ асосчиси Илон Маск инсониятни очликдан қутқариш мақсадида бойлигининг бир қисмини хайрия мақсадида ишлатишга тайёрлигини маълум қилди.
Бундан аввал БМТ Бутунжаҳон озиқ-овқат дастури директори Дэвид Бизли “ҳалокат”нинг олдини олиш мақсадида Маскни ўз бойлигини хайрия қилишга чақирганди. Унинг сўзларига кўра, инсониятни очликдан асраш мақсадида SpaceХ асосчиси бойлигининг (289 миллиард доллар) 2 фоизи етарли.
“Агар Бутунжаҳон озиқ-овқат дастури 6 миллиард доллар қай тарзда очликни бартараф этиши мумкинлигини тушунтира олса, мен ҳозироқ Tesla’даги акцияларимни сотишга тайёрман. Аммо молиявий ҳисобот кенг жамоатчилик хайрия пуллари қандай ишлатилаётганини кўриши учун очиқ бўлиши керак”, – деган Маск ўз “Твиттер” саҳифасида.
Илон Маск дунёдаги энг бой одамга айлангани ҳамда дунёни тирбандликлардан халос этмоқчи эканлиги хабар қилинганди.
Жаҳонгир Қўзиев