Apple компанияси 2025 йилда iPhone Pro моделининг сўнгги олти йилдаги илк дизайн янгиланишини тақдим этишга тайёрланмоқда. Интернетда тарқалган iPhone 17 Pro макетлари янги дизайн айнан шу шаклда бўлишини тасдиқламоқда, деб хабар беради point.md нашри.
iPhone 11 Pro'дан бери ўзгармай қолган классик бурчакли камера блоки ўрнига эндиликда орқа панелнинг тўлиқ кенглигига чўзилган янгича камера модули пайдо бўлади. Камераларнинг жойлашуви сақланади, бироқ LiDAR сканери ва ёритгич қурилманинг ўнг четига силжитилади. iPhone 17 Pro Max моделида ҳам айнан шу дизайн қўлланилади.
Техник жиҳатдан ҳам сезиларли ўзгаришлар кутилмоқда. ОАВ хабарларига кўра, iPhone 17 Pro ва 17 Pro Мах моделлари учта 48 мегапикселли камера билан жиҳозланган илк iPhone бўлади. Аввал 12 мегапикселли бўлган телефото линза эндиликда 48 МП бўлади, бу суратга олиш сифати ва масофани кўпроқ аниқликда қамраб олиш имконини беради.
Бундан ташқари, iPhone 17 cерийасининг барча моделлари 24 мегапикселли олд (селфи) камера билан таъминланади — бу 5 йил ичида “селфи камера”да амалга ошириладиган биринчи муҳим янгиланишдир.
Апплеънинг сентябрь ойида бўлиб ўтадиган анъанавий тақдимоти арафасида яна бир қизиқарли тафсилот пайдо бўлди — миш-мишларга кўра, компания iPhone Plus ўрнини босувчи мутлақо янги “iPhone 17 Air” моделини ҳам тақдим этади. Айтишларича, у Apple тарихидаги энг юпқа смартфон бўлиб, қалинлиги бор-йўғи 5,5 мм бўлади.