Исроил август ойининг охиригача Эрон билан янги ҳарбий тўқнашув бошлаши мумкинлиги ҳақида хабарлар тарқалди. Бу ҳақда “Азад Ирон” нашрига таяниб Оху.Az хабар берди.
Маълум қилинишича, Тел-Авив эҳтимолий уруш эҳтимолини жиддий кўриб чиқмоқда. Эрон эса янги ҳужумга тайёргарлик чораларини кучайтирган. Таҳлилчиларнинг баҳолашича, агар қарама-қаршилик юз берса, у аввалгиларига қараганда анча даҳшатли бўлиши мумкин.
Хабарда айтилишича, Исроил Теҳроннинг ракета арсеналини мустаҳкамлашига, ҳаво ҳужумидан мудофаа тизимларини қайта тиклашига ва илғор ҳарбий технологияларни жойлаштиришига йўл қўймасликка қатъий бел боғлаган.
Тел-Авивнинг асосий мақсади – Эроннинг ҳарбий устунликка эришиш умидларини пучга чиқариш ҳамда имкони борича тез ва қатъий зарба беришдир.