Апелляция суди Жиззах аккумулятор заводи томонидан қримлик тадбиркор фойдасига 257,3 миллион рубл товон пули ундирилиши ҳақидаги қарорини ўзгаришсиз қолдирди. Бу ҳақда «Коммерсанть» хабар берди.
Маълумот учун, завод «KUCH» савдо белгисидан фойдаланган ҳолда Россияга аккумуляторлар экспорт қилган. Россияда бу савдо белгиси тадбиркор Артем Палийчукка тегишли.
У судга мурожаат қилиб, «KUCH» савдо белгисидан ноқонуний тарзда фойдаланиб келаётганини иддао қилади ва унинг фойдасига Жиззахдаги заводдан 257,3 миллион рубл товон ундириб беришни сўраган. Қрим суди даъвони қаноатлантирган эди.