Шимолий Корея хакерлари йирик тиббий-биология компанияга киберҳужум уюштиришга уриниб кўрди. Бу ҳақда Sky News хабар берди.
Маълумотларга кўра, номи сир қолишини истаган компания SolarWinds корпорациясига уюштирилган хакерлик ҳужумларига ўхшаш таҳдидларга дуч келган. Аммо кибержиноятчилар компания маълумотларини ўғирлашидан олдин уларнинг ҳаракатларига чек қўйилган. Компания Covid-19’га қарши вакцина ишлаб чиқариш билан шуғулланади.
Secureworks ташкилотининг маълум қилишича, хакерлар MSP тизими орқали корпорация маълумотлар базасини бузиб киришга уринган.
Аввалроқ Буюк Британия разведкаси Шимолий Кореяни бирлашган қироллик соғлиқни сақлаш тизимига киберҳужум уюштиришда айблаган эди.
Жаҳонгир Қўзиев